Nurlan Ábdirov Senat tóraǵasynyń orynbasary bolyp saılandy
NUR-SULTAN. QazAqparat – Nurlan Ábdirov QR Parlamenti Senaty tóraǵasynyń orynbasary bolyp saılandy, dep habarlaıdy QazAqparat tilshisi.
«QR Prezıdentiniń jarlyǵymen Nurlan Májıtuly Ábdirov QR Parlamenti Senatynyń depýtaty bolyp taǵaıyndaldy. Konstıtýtsııanyń 58-shi babyna sáıkes, Senat tóraǵasynyń orynbasary laýazymyna senator Nurlan Ábdirovti usynamyn. Ózderińizge belgili, Nurlan Májıtuly - tájirıbeli jáne bilikti maman. Ádilet mınıstrliginde jáne qaýipsizdik keńesinde jaýapty qyzmetter atqardy. Búginge deıin Májilistiń zańnama jáne sot-quqyqtyq reforma komıtetiniń tóraǵasy retinde tabysty eńbek etip keldi», - dedi QR Parlamenti Senatynyń tóraǵasy Máýlen Áshimbaev Senat otyrysynda.
Óz kezeginde senatorlar daýys berý arqyly bir aýyzdan Nurlan Ábdirovtiń kandıdatýrasyn qoldady.
«Qaýly qabyldandy. Nurlan Ábdirov QR Parlamenti Senatynyń tóraǵasynyń orynbasary bolyp saılandy», - dedi Senat tóraǵasy.
Aıta keteıik, búgin QR Parlamenti Senatynyń altynshy shaqyrylymy óz jumysyn bastady.
