Nurlan Ábdirov saılaý ýchaskelerinde úgit materıaldarynyń bolmaýy tıistigin eskertti

NUR-SULTAN. QazAqparat – QR Ortalyq saılaý komıssııasynyń tóraǵasy Nurlan Ábdirov saılaý ýchaskelerinde úgit materıaldarynyń bolmaýy tıistigin eskertti, dep habarlaıdy QazAqparat tilshisi.

«Eshqandaı úgit-nasıhat bolmaýy tıistigin birneshe ret aıttym. Muqııat bolyńyzdar. Biz tikeleı de, janama da úgit-nasıhatqa qatyspaımyz. Bizdiń mindetimiz - aldaǵy refrendýmǵa qatysýǵa quqyǵy bar azamattarǵa onyń ótetindigi týraly aqparatty jetkizý. Olarǵa quqyqtaryn túsindirip, is-sharanyń mánin jetkizýge tıispiz. Bizde, saılaý ýchaskelerinde esh jerde úgit-nasıhat materıaldary bolmaýy tıis», dedi Nurlan Ábdirov Ortalyq saılaý komıssııasynyń otyrysy barysynda.

Aıta keteıik, búgin Ortalyq referendým komıssııasy respýblıkalyq referendýmǵa halyqaralyq baıqaýshylar retinde qatysý úshin Ortalyq referendým komıssııasy halyqaralyq uıymdar men shet memleketterdiń 272 ókilin akkredıttegen bolatyn.