Nurlan Ábdirov ózbek jáne ázerbaıjan áriptesterimen kezdesti

ASTANA. QazAqparat - Prezıdent saılaýy qarsańynda QR Ortalyq saılaý komıssııasynyń (QR OSK) tóraǵasy Nurlan Ábdirov Ózbekstan men Ázerbaıjan Ortalyq saılaý komıssııalarynyń tóraǵalary Zıınıddın Nızamhodjaevpen jáne Mazahır Panahovpen kezdesti, dep habarlaıdy QazAqparat.

QR OSK saıtynda málim etilgendeı, kezdesý barysynda Nurlan Ábdirov eki eldiń OSK tóraǵalaryn saılaý naýqanynyń negizgi kezeńderiniń erekshelikterimen, atap aıtqanda, prezıdenttikke kandıdattardy usyný jáne tirkeý qorytyndylarymen, saılaý aldyndaǵy úgit barysymen, saılaýshylar men saılaý ýchaskeleriniń sanymen, Qazaqstan Respýblıkasy prezıdentin saılaýǵa halyqaralyq baıqaýshylardy akkredıtteý qorytyndylarymen tanystyrdy.

Kezdesý sońynda BAQ úshin brıfıng ótkizildi.