Nurlan Ábdirov qyzylordalyq jastarmen kezdesti

NUR-SULTAN. QazAqparat – QR Ortalyq saılaý komıssııasynyń tóraǵasy Nurlan Ábdirov Qyzylorda oblysyna sapary aıasynda óńir jastarymen kezdesti, dep habarlaıdy QazAqparat tilshisi.

Qyzylorda oblysynyń jastar resýrstyq ortalyǵynda ótken kezdesýde OSK tóraǵasy jastardyń saılaý protsesine qatysty oı-pikirlerdi mańyzdy ekendigin atap ótti.

«Jastar – eldiń bolashaq zııaly qaýymy jáne elektorattyń mańyzdy quramdas bóligi. Osyǵan baılanysty biz úshin qazirgi tańda jastardyń saılaý protsesi máseleleriniń keń spektri tóńireginde pikirleri men usynystary óte mańyzdy», - dep atap ótti Nurlan Ábdirov.

OSK baspasóz qyzmetiniń málimetinshe, kezdesýde jastar ókilderi saılaý protsesine tsıfrlyq tehnologııalardy engizý, saılaý mádenıeti men aldaǵy saılaýda jastardyń belsendiligin arttyrý boıynsha birqatar naqty usynystaryn alǵa tartty. Sonymen qatar kezdesýge qatysýshylar Ortalyq saılaý komıssııasy uıymdastyrǵan osyndaı is-shaalar jastardyń saılaýǵa degen senimin arttyrýdyń pármendi tetikteriniń birine aınalatynyn jáne jastar osyndaı dıalog ornatýdy qoldaıtynyn atap ótti.