Nurlan Ábdimájin QHR Shyńjań-Uıǵyr avtonomdyq okrýginiń QHSKK komıtetiniń tóraǵasy bolyp saılandy
BEIJІŃ. 30 qańtar. QazAqparat - Búgin Úrimshide ótken QHR Shyńjań-Uıǵyr avtonomdyq okrýginiń Qytaı Halyqtyq saıası konsýltatıvtik keńes komıtetiniń sessııasynda Nurlan Ábdimájin onyń tóraǵasy bolyp saılandy, dep habarlaıdy jergilikti BAQ.
Nurlan Ábdimájin, ulty - qazaq, 1962 jyly dúnıege keldi. QHR ShUAO Іle-Qazaq avtonomdyq oblysy Qorǵasta týǵan. 1985 jyly Qytaı Kompartııasyna múshelikke ótti. Beıjiń pedagogıkalyq ýnıversıtetiniń túlegi. QHR ShUAO-niń sot organdarynda, sondaı-aq Іle-Qazaq avtonomdyq oblysy men Shyńjań halyqtyq úkimetiniń basshylyq partııalyq, memlekettik qyzmetterinde jumys istedi. 2008 jyldan bastap - QHR ShUAR QKP Saıası bıýro turaqty komıtetiniń múshesi. Qytaı kompartııasy OK-niń 18 shaqyrylymyndaǵy músheligine kandıdat.
Buǵan deıin bul qyzmetti Ashat Kerimbaı atqarǵan bolatyn.
