Nurqoja Qaıpanov pen Asyl Aıtaqyn erkin kúresten Vengrııadaǵy týrnırdiń fınalyna shyqty
ASTANA. KAZINFORM — Jarys jolyna alǵash bolyp erkin kúres sheberleri shyqty. Birinshi jarys kúninde qazaqstandyq Asyl Aıtaqyn (61 kelige deıin) men Nurqoja Qaıpanov (74 kelige deıin) fınalǵa joldama aldy.
Asyl Aıtaqyn altyn medal úshin Túrkııa ókili Tolga Ozbekpen kúresedi. Al Nurqoja Qaıpanov aqtyq synda Qytaı balýany Fen Lýmen ózara myqtyny anyqtaıdy.
57 kelige deıingi salmaqta Nurdanat Aıtanov qola júlde úshin kanadalyq Tımotı Levaınmen beldesedi.
Aıta keteıik, jubanysh beldesýleriniń qorytyndysy boıynsha qola júldege talasatyn qazaqstandyq sportshylardyń sany artýy múmkin. Fınaldyq kezeń búgin ótedi.
Eske salaıyq, buǵan deıin qazaqstandyq tórt boksshy Azııa chempıonatynyń júldegeri atanǵanyn habarlaǵan edik.
