Nurqoja Qaıpanov erkin kúresten álem chempıony atandy
ASTANA. KAZINFORM - Albanııa astanasy Tırana qalasynda olımpıadalyq emes salmaqtarda erkin kúresten ótip jatqan álem chempıonatynda Nurqoja Qaıpanov jeńimpaz atandy.
Buǵan deıin 2019 jyly Astanada ótken álem birinshiliginde kúmis alǵan 70 kelige deıingi salmaqtaǵy qazaqstandyq balýan fınalda japonııalyq Ioshınosýke Aoıagımen synǵa tústi.
Birinshi kezeń 1:0 esebimen japonııalyq sportshynyń paıdasyna aıaqtaldy. Ekinshi kezeńde Nurqoja 3:1 esebimen alǵa shyqty. Qorytyndy esep – 5:3, Nurqoja Qaıpanovtyń paıdasynda.
Osylaısha, N.Qaıpanov Rızabek Aıtmuqannyń ótken jylǵy jetistigin qaıtalady.
Taǵy bir qazaqstandyq balýan Dáýlet Ergesh (79 kg) jubanysh beldesýinde japonııalyq Kota Takahashıdan jeńilip qaldy. Dáýlet 9:0 esebimen alda turdy, oǵan jeńis úshin bir upaı qajet edi. Alaıda sol múmkindigin paıdalana almaı, 10:21 esebimen ese jiberdi.
Eske sala keteıik, budan buryn álem chempıonatynda Nurqoja Qaıpanovtyń bas júldege, Dáýlet Ergeshtiń qolaǵa talasatynyn jazǵan bolatynbyz.
Jámıla Baqbergenova úsh márte álem chempıonatynyń kúmis júldegeri boldy.
