Nurqoja Qaıpanov erkin kúresten álem chempıonatynyń kúmis júldegeri atandy
ASTANA. KAZINFORM — Astana qalasyndaǵy erkin kúresten eresekter arasyndaǵy álem chempıonatynda Qazaqstan qorjyny kúmis júldemen tolyqty, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaq palýany Nurqoja Qaıpanov 74 kg deıingi salmaqtyń fınalynda reseılik Inalbek Sherıevpen kim myqtyny anyqtady. Bas júlde jolyndaǵy tartysty beldesýde Nurqoja qarsylasyna ese jiberip, 2-oryn aldy.
Búgin 28 jastaǵy Qaıpanov eresekter arasyndaǵy álem chempıonatyndaǵy jalpy medal sanyn tórteýge jetkizdi.
2019 jyly Nur-Sultan - kúmis (-70 kg)
2024 jyly, Tırana - altyn (-70 kg)
2025 jyly, Zagreb - qola (-70 kg)
2026 jyly, Astana - kúmis (-74 kg).
Jalpy, Nurqoja qazaq kúresi tarıhyndaǵy eń oljaly sportshynyń biri. Budan bólek onyń enshisinde Azııa chempıonatynyń 3 altyny, jazǵy Azııa oıyndarynyń qola medali bar.
Aıta keteıik, Jibek Qulambaeva Úndistandaǵy týrnırde qarsylasyn kambekpen jeńdi.
