Nurken Tólegenov kıkboksıngten Álem chempıony atandy
ALMATY. 8 qazan. QazAqparat - Brazılııanyń Gýarýja qalasynda kıkboksıngtiń low-kick jáne K-1 nusqalary boıynsha Álem chempıonaty ótti.
Qaırat Smaǵulov jattyqtyratyn Qazaqstan quramasy 48 eldiń 413 sportshysy qatysqan bul dúbirli dodada komandalyq esepte 11-oryn aldy. Onda el qorjynyna 1 altyn, 1 kúmis, 2 qola medal tústi. Atap aıtqanda Nurken Tólegenov Álem chempıony, al Bobýrjan Artyqbaev kúmis, Zahar Vorobeı men Baýyrjan Qudaıbergenov qola júldeger atandy. Búgin tún ortasy aýa sportshylar endi Amsterdam-Almaty baǵytyndaǵy áýe ushaǵy arqyly elge oralmaq.
Jalpy bıylǵy Álem chempıonatynda tuńǵysh ret sportshylarǵa tórelik jasaǵan eń úzdik tóreshige de qurmet kórsetildi. Oǵan slovakııalyq Mıkaela Kovachova ıe boldy. Sondaı-aq 5 qurlyqtyń úzdikteri jınalǵan bul baıraqty básekege Ortalyq Azııa elderinen tek Qazaqstan ǵana óz komandasyn qosqan bolatyn.
