Nurken Mazbaev« «Ulytaý» bas bapkeri qyzmetinen ketti

ASTANA. KAZINFORM – «Ulytaý» fýtbol klýby bas bapker Nurken Qaldybekuly Mazbaevpen kelisimshart merziminiń aıaqtalýyna baılanysty qyzmetinen ketti.

v
Foto: "Taraz" FK

Bul jóninde komandanyń baspasóz qyzmeti málim etti.

Mazbaev Nurken Qaldybekuly 2025 jyldyń 2 shildesinde komanda tizginin qolǵa aldy.
N.Mazbaev 1972 jyldyń 7 sáýirinde dúnıege kelgen. Fýtbolshylyq mansabynda «Taraz», «Qaısar», «Sıntez», «Jeńis», «Dostyq», «Qaırat», «Tobyl» jáne «Ordabasy» komandalarynda dop tepti.

Qazaqstannyń joǵary dıvızıonynda 362 match ótkizip, 138 gol soqqan tájirıbeli maman 2008 jyldan beri «Taraz», «Oqjetpes» komandalary jáne Qazaqstan ulttyq quramasynda bapkerler quramynda boldy. 2018 jyly «Tarazda» bas bapker bolsa, 2019 jyldan beri «Astanada» sporttyq dırektor qyzmetin atqardy.

Nurken Mazbaev 2015-2016 jyldary ıÝrıı Krasnojan jetekshilik etetin bapkerlik shtabtyń quramyna kirdi.

«Ulytaý» bıyl Qazaqstan Premer-lıgasynda 30 oıynnan keıin 35 upaı jına, toǵyzynshy orynǵa taban tiredi.

Aıta ketsek, budan buryn «Ordabasy» fýtbol klýby men bas bapker Andreı Martın ózara kelisim boıynsha eńbek shartyn uzartpaý týraly sheshim qabyldady.