Núrken Ábdirovti eske alýǵa arnalǵan respýblıkalyq týrnırge 600-ge jýyq sportshy qatysty

QARAǴANDY. QazAqparat – Qaraǵandyda Qazaqstan Táýelsizdiginiń 30 jyldyǵyna oraı ushqysh-batyr Núrken Ábdirovti eske alýǵa arnalǵan grek-rım, erkin jáne áıelder kúresinen respýblıkalyq týrnır ótti, dep habarlaıdy QazAqparat tilshisi.

Jarysqa Qazaqstannyń barlyq aımaqtarynan 592 myqty palýan qatysty. Bul - 335 erkin, 68 qyz jáne 189 «grek-rım» kúreskerleri.

Bul - bedeldi jáne tanymal týrnır.

Birinshilikte birinshi oryn alǵany úshin «QR sport sheberi», ekinshi jáne úshinshi oryn úshin «sport sheberine kandıdat» ataǵy beriledi.

Osy týrnırge kelgen balýandarynyń daıyndyǵyn birinshiliktiń bas tóreshisi Aleksandr Mytsyk baǵalady.

17 jasynda sportshy Núrken Ábdirov atyndaǵy alǵashqy týrnırdiń qatysýshysy bolǵan.

Sodan beri aldymen sportshy, sodan keıin jattyqtyrýshy retinde óner kórsetti jáne 20 jyldan astam ýaqyt boıy osy jarystyń tóreshisi bolyp keledi.

Onyń aıtýynsha, jarystyń tanymaldyǵy men bedeli joǵary deńgeıde qalyp otyr.

«Bul týrnır oblysta ǵana emes, respýblıkada da erkin kúresti damytýǵa qomaqty úles qosyp keledi. Týrnırden birneshe kún buryn Qazaqstan chempıonaty ótti, kóptegen ataqty sportshylar sol saıystan keıin birden bizge keldi. Daıyndyq deńgeıi óte joǵary jáne qatysýshylar sany kóp», - deıdi Aleksandr Mytsyk.

Qaraǵandylyq sportshylar laıyqty óner kórsetti.

Aleksandr Mytsyk chempıon atanǵan 18 jasar Amangeldi Elamandy (k/k – 57 kg) jáne 21 jastaǵy Dáýlethan Temirbaevty (k/k – 92 kg) erekshe atap ótti.

Áıelder kúresinde 16 jastaǵy sportshy Arına Ismaılova (k/k – 65 kg) erekshe áser qaldyrdy.

Ol eresek sportshylardy jeńip, sport sheberi normasyn oryndady.

76 keli salmaq dárejesinde 17 jasar Gúljaz Aıymbetova kózge tústi. Boıjetken birinshi orynǵa ıe boldy.

«Barlyq júldegerlerdi atap ótý múmkin emes. Balalar óte jaqsy óner kórsetti. Biz Qaraǵandy oblysyndaǵy erkin kúrestiń damýyna optımıstik kózqaraspen qaraımyz. Óńirde ol úshin barlyq jaǵdaı bar: jaqsy rezerv, baza, sportshylar, jattyqtyrýshylar. Olar joǵary nátıjege qol jetkize alady», - deıdi jarystyń bas tóreshisi.

Ekinshi dúnıejúzi soǵysynyń batyry Núrken Ábdirovti eske alýǵa arnalǵan týrnır alǵash ret 1961 jyly ótti.

Onyń uıymdastyrýshylary - Qaraǵandy oblysyndaǵy klassıkalyq jáne erkin kúrestiń negizin qalaýshy QazKSR eńbek sińirgen jattyqtyrýshysy Shárip Harıs jáne QazKSR eńbek sińirgen jattyqtyrýshysy Felıks Premılskıı.