Nurhan Jumaǵazy ońtústikkoreıalyq faıterdi birinshi raýndta nokaýtqa túsirdi

ASTANA. KAZINFORM — Qazaqstandyq aralas jekpe-jek sheberi Nurhan Jumaǵazy Japonııanyń Tıba qalasynda ótken RIZIN 55 týrnırinde ońtústikkoreıalyq Keng Phe Kımdi birinshi raýndta tehnıkalyq nokaýtpen jeńip, promoýshndegi jeńis serııasyn úsh jekpe-jekke jetkizdi, dep jazdy Informsports.kz.

Nurhan Jumaǵazy
Vıdeodan alynǵan skrın

Japon lıgasynda «jańadan jarqyrap kele jatqan juldyz» degen maqtaýǵa ıe bolǵan otandasymyz Ońtústik Koreıa ókili Keng Phe Kımmen (15-5) kezdesti.

Úsh raýndqa josparlanǵan aıqas birinshi raýndta-aq qazaqstandyq faıterdiń paıdasyna sheshilip, Kım tehnıkalyq nokaýtpen jeńilis tapty.

Bul Nurhan Jumaǵazynyń kásipqoı mansabyndaǵy 12-shi jeńisi retinde tirkeldi. Ol RIZIN uıymynda jeńis serııasyn úshke jetkizdi.

Jekpe-jek aldynda otandasymyz osy básekede qarsylasynan basym tússe, kelesi kezekte chempıondyq belbeý úshin talasqysy keletinin ashyq málimdegen edi.

Eske sala keteıik, osyǵan deıin qazaqstandyq faıter Pavlodarda aralas jekpe-jekten ótken Naiza 86 halyqaralyq týrnırinde úndistandyq qarsylasyn nokaýtpen jeńgenin jazǵan edik.