Nurǵısa Tilendıevtiń týǵan aýylynda eńseli stela ornatyldy
ASTANA. KAZINFORM — Arhıtektýralyq turǵydan erekshe pishinge ıe bul eskertkishte qazaqtyń qasıetti dombyrasy men páktik pen sulýlyqtyń sımvoly sanalatyn aqqý beınelengen, dep habarlaıdy Almaty oblysynyń ákimdigi.
Ult rýhanııatynyń uly tulǵasy, Halyq qaharmany, áıgili kompozıtor, kúıshi ári dırıjer Nurǵısa Tilendıevtiń kindik qany tamǵan aýylynda demeýshilerdiń qoldaýymen eńseli stela boı kóterdi.
Saltanatty ashylý rásimine Almaty oblysy ákiminiń orynbasary Ǵanı Maılybaev qatysyp, óńir turǵyndaryna oblys ákimi Marat Sultanǵazıevtiń quttyqtaýyn jáne alǵysyn jetkizdi. Sharaǵa sondaı-aq TÚRKSOI Jazýshylar odaǵynyń tóraǵasy Ulyqbek Esdáýlet, oblystyq ardagerler keńesiniń tóraǵasy Erbolat Turymbetov, aýyl turǵyndary men zııaly qaýym ókilderi qatysty. Іs-shara sońynda qatysýshylar stela ornatylǵan alańǵa aǵashtar otyrǵyzdy.
Aıta keteıik, buǵan deıin Almaty oblysynda Nurǵısa Tilendıevtiń 100 jyldyq mereıtoıyna oraı eskertkish pen mádenıet úıi ashylǵan bolatyn.
Sondaı-aq óńirdiń ónerpazdary men qolóner sheberleri uly kompozıtordyń mereıtoıyna arnalǵan is-sharalar aıasynda Pekın, Bishkek jáne Máskeý qalalarynda Qazaqstan mádenıetin joǵary deńgeıde tanystyrdy.
Jalpy, Nurǵısa Tilendıevtiń ıÝNESKO kóleminde atalyp jatqan 100 jyldyq mereıtoıy aıasynda jyl basynan beri respýblıkalyq jáne halyqaralyq deńgeıdegi mádenı is-sharalar júıeli túrde uıymdastyrylyp keledi.
