Nurǵısa Tilendıevtiń 100 jyldyq mereıtoıy «Álqıssa-Nurǵısa» kontsertimen bastalady

ASTANA. KAZINFORM - 2025 jyldyń 1 sáýirinde QR Mádenıet jáne aqparat mınıstrliginiń qoldaýymen Roza Baǵlanova atyndaǵy «Qazaqkontsert» memlekettik kontserttik uıymynyń Ortalyq kontsert zalynda kórnekti kompozıtor, kúıshi, dırıjer Nurǵısa Tilendıevtiń 100 jyldyǵyna arnalǵan «Álqıssa-Nurǵısa» mereıtoılyq kontserti ótedi.

Іs-sharany Jambyl atyndaǵy Qazaq memlekettik akademııalyq fılarmonııasy men Roza Baǵlanova atyndaǵy «Qazaqkontsert» memlekettik kontserttik uıymy uıymdastyrady.

Dara tulǵanyń mereıtoıy el sheńberinde ǵana emes, ıÝNESKO, TÚRKSOI sııaqty halyqaralyq uıymdardyń deńgeıinde atalyp ótedi.

Kontsertte elimizdiń eń úzdik ártisteri óner kórsetedi. Keshte Nurǵısa Tilendıevtiń ánderi oryndalyp, qazaq mýzykasynyń altyn qoryna engen týyndylar shyrqalady.

- Elorda turǵyndary men qonaqtary halyqtyń ystyq yqylasyna bólengen ánderdi tyńdaı alady. Kontsertte erekshe baǵdarlamalar usynylady. Nurǵısa Tilendıevtiń qazaq mýzykasynyń damýyna qosqan úlesi orasan zor. Onyń shyǵarmalary el mádenıetiniń asyl murasyna aınaldy, - delingen QR Mádenıet jáne aqparat mınıstrliginiń baspasóz qyzmeti taratqan aqparatta.

Osyǵan deıin Nurǵısa Tilendıevtiń 100 jyldyǵyna oraı halyqaralyq «Álqıssa» onlaın dombyra baıqaýy ótetini týraly habarlandy.