Nurǵısa Tilendıevtiń 100 jyldyǵyna oraı halyqaralyq «Álqıssa» onlaın dombyra baıqaýy ótedi
ASTANA. KAZINFORM — Ataqty kúıshi, kompozıtor, Halyq qaharmany Nurǵısa Tilendıevtiń 100 jyldyǵyna oraı halyqaralyq «Álqıssa» onlaın dombyra baıqaýy ótedi. Bul týraly «Otandastar qory» KEAQ málim etti.
Dombyra baıqaýyn «Otandastar qory» KEAQ pen Jambyl atyndaǵy Qazaq memlekettik akademııalyq fılarmonııasy uıymdastyrmaq.
Ótinim qabyldaý 1 aqpan men 20 naýryz aralyǵynda júredi. Al, qazylar alqasynyń qaraýy 21 – 26 naýryzda júzege assa, jeńimpazdardy marapattaý saltanaty 1 sáýir kúni Astana qalasynda ótedi.
Qatysý sharttary:
– Jas sanaty: 12-17 jas jáne 18-25 jas;
– N.Tilendıevtiń kúıleriniń birin oryndap, beınejazba joldaý;
– Beınejazbamen qosa qatysýshy ózi týraly qysqasha aqparat pen sheteldik azamat ekenin rastaıtyn tól qujatyn joldaıdy.
Ótinimder oqbaiqau@gmail.com nemese +77471783938 (Telegram) arqyly qabyldanady.
Beınejazbaǵa qoıylatyn talaptar:
1. Uzaqtyǵy 1 mınýttan kem emes, 5 mınýttan kóp emes.
1. Kúı bastalmas buryn:
– Amandasý;
– Aty-jóni, jasy jáne turatyn eli týraly aıtý;
– Oryndaıtyn kúıiniń atyn aıtýy qajet.
3. Beıne men dybys sapasy jaqsy bolýy tıis.
4. Kıim úlgisi: qazaqsha.
5. Qatysýshy óz beınejazbasynyń áleýmettik jelilerde jarııalanýyna kelisim beredi.
Oryndaýǵa bolatyn kúıler: «Altyn dán», «Ata tolǵaýy», «Ańsaý», «Temirbektiń tókpesi», «Álqıssa», «Balamıshka», «Aqqý», «Kóńildi bıkesh», «Teris qaqpaı», «Arman» jáne N. Tilendıevtiń nusqasyndaǵy halyq kúıi «Aqsaq qulan».
Syılyqtar:
– 18-25 jas sanaty boıynsha
Gran-prı: 400 000 teńge, Dombyra, Kitap1-oryn: 250 000 teńge, Dombyra, Kitap
2-oryn: 100 000 teńge, Dombyra, Kitap, Shapan
3-oryn: Dombyra, Kitap, Toǵyzqqumalaq
– 12-17 jas sanaty boıynsha1-oryn:
Noýtbýk
2-oryn: Planshet
3-oryn: Smartsaǵat
ÚZDІK-10 qatysýshyǵa «Jas qazaq» etno-lagerine tegin joldama
Eske sala keteıik, buǵan deıin Aqtóbelik kúıshi onnan astam etno aspapty meńgerip alǵanyn jazǵan bolatynbyz.