Nurǵısa Tilendıevke 100 jyl: barlyq óńirde 100-ge jýyq is-shara ótedi
ASTANA. KAZINFORM – Búgin Roza Baǵlanova atyndaǵy «Qazaqkontsert» memlekettik akademııalyq kontserttik uıymynda Mádenıet jáne aqparat mınıstrliginiń qoldaýymen Halyq qaharmany, kórnekti kompozıtor, kúıshi, dırıjer Nurǵısa Tilendıevtiń 100 jyldyq mereıtoıyna arnalǵan «Álqıssa-Nurǵısa» atty mereıtoılyq kontserttiń saltanatty ashylýy ótti.

Bul kontsert kompozıtordyń 100 jyldyǵyna arnalǵan merekelik is-sharalar baǵdarlamasynyń bastamasy boldy.
Keshte uly tulǵanyń qurmetine Memleket basshysynyń atynan gúl shoqtary tabys etildi.

Іs-sharaǵa belgili mýzykanttar, Qazaqstannyń eńbek sińirgen qaıratkerleri, halyqaralyq baıqaýlardyń laýreattary, sondaı-aq elimizdegi óner ujymdary qatysty. Olardyń qatarynda Jambyl atyndaǵy Qazaq memlekettik akademııalyq fılarmonııasynyń Nurǵısa Tilendıev atyndaǵy akademııalyq folklorly-etnografııalyq «Otyrarsazy» orkestri, Erkeǵalı Rahmadıev atyndaǵy akademııalyq fılarmonııasynyń sımfonııalyq orkestri, B. Baıqadamov atyndaǵy memlekettik hor kapellasy jáne tanymal ánshiler men ónerpazdar bar.

Kontserttik baǵdarlama boıynsha kórermenge Nurǵısa Tilendıevtiń qazaq mýzykasynyń altyn qoryna engen shyǵarmalary usynyldy.

Jyl boıy Qazaqstannyń barlyq óńirinde 100-ge jýyq is-shara ótedi. Atap aıtsaq, kórmeler, kontsertter, baıqaýlar men festıvalder uıymdastyrý josparlanǵan.

Qazaq mýzykasynyń dara tulǵasynyń mereıtoıy tek elimizde ǵana emes, ıÝNESKO jáne TÚRKSOI sııaqty bedeldi uıymdardyń qoldaýymen halyqaralyq deńgeıde de atalyp ótedi.
Mereıtoılyq baǵdarlamanyń basty is-sharasy– Qazaqstannyń Mádenıet kúnderi aıasynda Frantsııadaǵy ıÝNESKO shtab-páterinde ótetin Nurǵısa Tilendıevtiń 100 jyldyǵyna arnalǵansaltanatty kontsert. Sondaı-aq AQSh-ta, áıgili Karnegı-hollda, kontsert pen kórme uıymdastyrylsa, Beıjińde «Qustar qaıtypbarady» kontserti aıasynda kompozıtordyń ánderi oryndalady.
Aıta ketelik búgin belgili kúıshi, kompozıtor, «Otyrar sazy» akademııalyq folklorlyq-etnografııalyq halyq aspaptary orkestriniń negizin qalaýshy Nurǵısa Tilendıevtiń týǵan kúni.