Nurǵısa Qamashev BQO tsıfrlyq tehnologııalar basqarmasyn basqarady

ORAL. KAZINFORM — Konkýrstyq komıssııanyń sheshimi negizinde oblys ákiminiń ókimine sáıkes Nurǵısa Málikuly Qamashev BQO tsıfrlyq tehnologııalar basqarmasynyń basshysy laýazymyna taǵaıyndaldy.

BQO ákimdiginen alynǵan málimetke qaraǵanda, Nurǵısa Qamashev 1984 jyly dúnıege kelgen. Bilimi joǵary. H.Dosmuhamedov atyndaǵy Atyraý memlekettik ýnıversıtetin zańtaný mamandyǵy boıynsha támamdaǵan.

Ár jyldary «Jasyl el» jastar eńbek jasaqtarynyń respýblıkalyq shtaby» JM Atyraý oblystyq fılıaly basshysynyń orynbasary, keıin basshysy, «Temirbank» AQ problemalyq nesıelermen jumys bóliminiń jetekshi mamany, Atyraý oblysy Inder aýdandyq ishki saıasat, mádenıet jáne tilderdi damytý bóliminiń bas mamany boldy.

Sondaı-aq Oral qalasynda M.Ótemisov atyndaǵy Batys Qazaqstan memlekettik ýnıversıteti rektorynyń jalpy máseleler jónindegi kómekshisi, BQO boıynsha «Halyqqa qyzmet kórsetý ortalyǵy» fılıalynyń Darııan selolyq okrýgi boıynsha bóliminiń bastyǵy, «Halyqqa qyzmet kórsetý ortalyǵy» RMK BQO boıynsha fılıaly monıtorıng jáne memlekettik qyzmetterdiń sapasyn baqylaý qyzmetiniń basshysy-bas mamany, osy fılıaldyń monıtorıng jáne memlekettik qyzmet kórsetý sapasyn baqylaý qyzmetiniń basshysy, «Qazpochta» AQ Batys Qazaqstan oblystyq fılıaly dırektorynyń orynbasary qyzmetin atqardy.

Budan keıin Atyraý qalasy jer qatynastary bólimi basshysynyń orynbasary, Atyraý qalalyq jumyspen qamtý jáne áleýmettik baǵdarlamalar bólimi basshysynyń orynbasary, BQO ákimdigi tsıfrlyq tehnologııalar basqarmasynyń «Aqparattyq tehnologııalar ortalyǵy» KMM dırektory laýazymdarynda qyzmet etken.

Eske sala keteıik, budan buryn Oral qalasy ákiminiń orynbasary taǵaıyndalǵanyn jazǵan bolatynbyz.