Nurdildá Oraz QR Bas prokýratýrasy apparat basshysynyń orynbasary qyzmetine taǵaıyndaldy
Bul týraly atalǵan vedomstvonyń baspasóz qyzmetinen habarlady.
«Maǵan júktelgen basty mindetterdiń biri - qoǵammen baılanys, aqparat salasyn damytý jáne ıdeologııalyq tetikterdi kúsheıtý arqyly xalyqtyń prokýratýraǵa senimin arttyrý. Jýrnalıstıkadaǵy 7 jyl, quqyq qorǵaý organdaryndaǵy 7 jyl tájirıbem men shetelden alǵan bilimim bul salany da qıyndyqsyz alyp ketýge septigin tıgizedi degen oıdamyn», - dedi N.Oraz.
Nurdildá Serikuly 1981 jyly dúnıege kelgen. Ál-Farabı atyndaǵy Qazaq ulttyq ýnıversıtetin, QR ІІM Qaraǵandy akademııasyn bitirgen. Eńbek jolyn Almatydaǵy «ıÝSA» telearnasynyń tilshisi bolyp bastaǵan. "31 arna" telearnasy «Informbıýro» jańalyqtar bóliminiń júrgizýshisi, «Astana» telearnasynyń redaktor-júrgizýshisi, reporter-sarapshysy, «Qazaqstan» ulttyq arnasynyń jańalyqtar júrgizýshisi, «Apta.kz» baǵdarlamasynyń júrgizýshi-redaktory bolǵan.
2007 jyly ishki ister organyna aýysyp, Astana qalalyq ishki ister departamenti baspasóz qyzmetiniń bastyǵy, memlekettik til jáne aqparat bóliminiń bastyǵy, departament bastyǵynyń baspasóz hatshysy qyzmetterin atqardy. 2011-2015 jyldary - QR Іshki ister mınıstrligi Memlekettik til jáne aqparat departamentiniń dırektory mınıstrdiń baspasóz hatshysy, keıinnen resmı ókili. 2015 jyldan «Bolashaq» baǵdarlamasy boıynsha AQSh-ta bilim alýda.