Nurdáýletov pen Shoıgý halyqaralyq qaýipsizdiktiń qazirgi jaı-kúıin talqylady

ASTANA. KAZINFORM – Astanada Qazaqstan men Reseı Qaýipsizdik keńesteriniń apparattary arasynda keńeıtilgen josparly konsýltatsııalar ótti, dep habarlaıdy Aqordanyń baspasóz qyzmeti.

Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov pen Reseı Federatsııasy Qaýipsizdik Keńesiniń hatshysy Sergeı Shoıgýdyń tóraǵalyǵymen ótken kelissózder barysynda yntymaqtastyqtyń ózekti máseleleri talqylandy.

Taraptar halyqaralyq jáne óńirlik qaýipsizdik salasynyń qazirgi jaı-kúıin qarady. Qaýipsizdikti qamtamasyz etý maqsatynda ózara is-qımyldy nyǵaıtýǵa qajetti sharalar jóninde pikir almasty.

Qaýipsizdik keńesteriniń apparattary arasyndaǵy konsýltatsııalar qabyldanǵan yntymaqtastyq josparyna sáıkes turaqty negizde ótedi.

Buǵan deıin Prezıdent Qasym-Jomart Toqaev Reseıdiń Qaýipsizdik Keńesiniń hatshysy Sergeı Shoıgýdy qabyldaǵanyn jazdyq.