Nurdáýlet Seıilbekov U20 álem chempıonatynda qola júldege ıe boldy
ASTANA. KAZINFORM – Qazaqstan erkin kúresten Slovakııanyń Bratıslava qalasynda ótip jatqan U20 álem chempıonatynda júldege qol jetkizdi.
Nurdáýlet Seıilbekov 74 kelige deıingi salmaqta jeńis tuǵyrynyń úshinshi satysyna kóterildi.
QR UOK málimetinshe, otandasymyz qola júlde úshin ótken beldesýde Italııa ókili Alessıo Perentındi jeńdi.
Osylaısha, Qazaqstan quramasy erkin kúresten álem birinshiligin úsh medalmen aıaqtady. Buǵan deıin Bekasyl Asambek (61 kelige deıin) kúmis medalǵa ıe bolsa, Nurasyl Asambek (57 kelige deıin) qola júldeger atanǵan edi.
Aıta keteıik, Qazaqstan quramasy dzıýdodan Ekvadorda ótken jasóspirimder arasyndaǵy álem chempıonatynyń aralas-komandalyq jarysynda jeńimpaz atanyp, tarıhı nátıjege qol jetkizdi.
