Nurdáýlet Qılybaı Mańǵystaý ekonomıkasynyń negizgi baǵyttaryn atady

ASTANA. KAZINFORM – Bıyl Mańǵystaý oblysynda ekonomıkalyq ósimniń negizgi kórsetkishteri oń dınamıka kórsetken. Óńir ekonomıkasynyń negizgi baǵyttary – óńdeý ónerkásibi, týrızm, logıstıka jáne balyq sharýashylyǵy bolyp otyr. Bul týraly oblys ákimi Nurdáýlet Qılybaı eseptik kezdesýde aıtty. 

Ákimniń málimetinshe, ónerkásip óniminiń kólemi 2,9 trln teńgeden assa, ınvestıtsııalar kólemi 105,4%-ǵa ósip, 949,9 mlrd teńgeni qurady. Qurylys, transport, saýda, baılanys salalary da turaqty damý ústinde.

– Aqtaý teńiz porty arnaıy ekonomıkalyq aımaǵynyń qyzmet etý merzimi 2053 jylǵa deıin uzartylyp, aýmaǵy qosymsha 7,9 myń gektar keńeıtildi jáne 23 jańa qyzmet túri engizildi. Sonymen qatar, «Kaspıı» áleýmettik-kásipkerlik korporatsııasy tolyqqandy damý ınstıtýty retinde transformatsııalanyp, jańa uıymdyq qurylymy bekitildi. Qazirgi tańda quny 22,1 mlrd teńgeni quraıtyn 8 birlesken jobany iske asyrý jumystary bastaldy, - dedi spıker baspasóz konferentsııasy barysynda.

Jyl basynan beri 235 mlrd teńgege 19 ınvestıtsııalyq joba iske qosylyp, 612 jańa jumys orny quryldy. 2026-2032 jyldary quny 10 trln teńgeden astam 55 jobany iske asyrý josparlanyp otyr.

Aıta keteıik, Mańǵystaý oblysynda «Keleshek mektepteri» ulttyq jobasy sátti aıaqtaldy.