Nurbolat Qarabasov: Jaqsylyq jasaý arqyly múmkindigimniń shekteýsiz ekenine kózim jetti
«Men 2017 jyly «Jas prioject» jobasyna qatysyp, osyndaı qurylǵylardyń (ózi mingen múgedek arbasynyń róli bar, ózi qozǵalatyn zamanǵa saı túri - qolarba) túr-túrin bes aı boıy tegin berip, qyzmet kórsettim. Men jaqsylyq jasaý arqyly múmkindigimniń shekteýsiz ekenine kózim jetti. Osydan keıin birneshe áleýmettik jobaǵa qatysyp, Almaty jáne Túrkistan oblystarynda osy qurylǵylardy jalǵa berip, qyzmet kórsete bastadym. Bizdiń maqsatymyz – qolarbada otyrǵan jandardyń tórt qabyrǵaǵa qamalmaı, qoǵammen tyǵyz qarym-qatynas jasap, dostarymen kezdesip, kınoǵa baryp degendeı, laıyqty ómir súrýine jaǵdaı jasaý», - deıdi Nurbolat Qarabasov.
Áleýmettik kásipkerde qazirge deıin osyndaı qolarbanyń alpysy bar.
«Bul qurylǵylardy shetelden aldyramyz. Alpys paıyzy qurastyrylǵan túrde keledi. 40 paıyzyn ózimiz qurap, jalǵa berip qyzmet kórsetemiz. ıAǵnı bul qurylǵy 3 sekýndta kez kelgen arbaǵa jalǵanyp, saǵatyna 27 shaqyrymdy baǵyndyra alady. Bir qýattaǵanda – 30 shaqyrymǵa jetedi. Men máselen Taldyqorǵanda tańerteń segizde úıimnen shyǵyp, keshki jetige deıin osy qolarbamen júre beremin», - deıdi ol.
Áleýmettik kásipker volonterlik degendi qalaı túsinetinin aıtyp berdi.
«Volonterlik degenimiz – belgili bir dárejede asar. Adamdar asarlatyp, bir-birine kómektesýi kerek. Kásibim arqyly qoǵamǵa kishkene bolsyn úlesimdi qossam deımin. Volonterlik jasqa qaramaıdy. Osy qolarba joq kezde Taldyqorǵanda bir kishkene bala arbama jaqyndap, «aǵa, kómekteseıin be?» degen kezde júregim eljirep, kózime jas keldi. Bizdiń qazaq baladan qarttaryna deıin bir-birine kómek qolyn sozýǵa daıyn turady. Volonterlik keıin shyqqan sóz bolǵanymen, qazaqta burynnan bar úrdis», - deıdi Nurbolat Qarabasov.
Áleýmettik kásipker «Birgemiz» respýblıkalyq front-keńsesiniń ashylýy volonterlarǵa jiger beredi dep senim bildirip otyr.
Aıta ketsek, Prezıdent Qasym-Jomart Toqaev elordada EKSPO kórmesiniń «Art Hub» pavılonynda ornalasqan volonterlerdiń «Birgemiz» respýblıkalyq front-keńsesiniń ashylý saltanatyna qatysty. Front-keńse búkil Qazaqstannyń volonterleri úshin keńes berý, ádistemelik, oqytý jáne aqparattyq ortalyqqa aınalatyn bolady. Sondaı-aq, ol volonterlik jobalar men oqytý baǵdarlamalaryn úılestirý, monıtorıng jasaý, volonterlikti ilgeriletý boıynsha biryńǵaı aqparattyq saıasatty júrgizedi jáne biryńǵaı Call-ortalyqtyń jumysyn uıymdastyrady.
