Nurbolat Bazarbaev ýkraınalyq X Factor kórermenderin tańǵaldyrdy
ASTANA. QazAqparat - Qazaqstandyq pıanınoshy Nurbolat Bazarbaev ýkraınalyq The X Factor shoýynyń 7-shi maýsymynyń irikteý kezeńinde sátti óner kórsetti.
Jigit óziniń ártistik qabiletimen kórermender men qazylar alqasyn tańǵaldyrdy.
Nurbolat baıqaýda roıalda oınap, Rýfýs Ýeınraıttyń «Hallelujah» ánin oryndady. Ýkraınalyq kórermender oǵan oryndarynan turyp qol soqty. Shoý júrgizýshisi Oksana Marchenko da emotsııaǵa erik berdi.
Tórt qazylar alqasynyń úsheýi Nurbolattyń kelesi kezeńge ótýin quptady. Belgili shoýmen Andreı Danılko ǵana qarsy boldy.
