Nurbolat Ahmetjanov: Latyn álipbıine kóshý - álemdik órkenıet jetegine ilesý

ASTANA. QazAqparat - «Áziret Sultan» memlekettik tarıhı-mádenı qoryq-mýzeıinde «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» QR Parlamentinde ótken tyńdaýǵa arnalǵan jıyn boldy, dep habarlady QazAqparatqa mekemeniń baspasóz qyzmetinen.

«Áziret Sultan» qoryq-mýzeıiniń dırektory Nurbolat Ahmetjanov «Álemdik órkenıet jetegine ilesý úshin, Uly dala eliniń salt-dástúrin, mádenı baı murasyn ózgelerge keńinen nasıhattaý úshin bizge latyn álipbıine kóshý kún tártibindegi ózekti másele, ony Elbasy N. Á. Nazarbaev «Bolashaqqa baǵdar: rýhanı jańǵyrý» atty maqalasynda aıqyndap bergen» - dep pikirin bildirdi.

Elbasynyń syndarly saıasaty, latyn álipbıine kóshý máselesi qoryq-mýzeı qyzmetkerleri tarapynan bir aýyzdan qoldaýǵa ıe boldy.

«Parlament qabyrǵasynda usynylǵan jańa latyn álipbıiniń nusqasy áli qoǵamda san márte talqylanady. Naqty nusqa ázirge bekitilgen joq, degenmen «jumyla kótergen júk jeńil» demekshi el bolyp, barshamyzǵa ortaq iske atsalysý -  paryzymyz» - dedi  Nurbolat Ahmetjanov.