Nurbol Jumasqalıev «Tobyldyń» bas bapkeri qyzmetinen ketti
ASTANA. KAZINFORM — Bul jóninde komandanyń baspasóz qyzmeti málim etti.
Onyń bapkerligimen «Tobyl» eleýli nátıjelerge qol jetkizdi. Komanda Qazaqstan kýbogy men sýperkýbogyn jeńip aldy, sondaı-aq chempıonattyń qola júldegeri atandy.
— «Tobyl» klýbtyń ańyzy Nurbol Jumasqalıevke atqarǵan jumysy, kásibıligi jáne komandanyń damýyna qosqan úlesi úshin alǵysyn bildiredi, — dep jazylǵan habarlamada.
Nurbol Jumasqalıev 1981 jyly 11 mamyrda dúnıege kelgen. Kásibı mansabynda «Naryn» (Oral), «Jetisý» (Taldyqorǵan), «Tobyl» (Qostanaı), «Astana», «Ertis» (Pavlodar) klýbtarynda oınady.
2018 jyldan beri «Tobylda» bas bapker, Qazaqstan 21 jasqa deıingi jastar, ulttyq quramada bas bapkerdiń kómekshisi qyzmetin atqardy.
Eske salsaq, budan buryn bolgarııalyq maman Nıkolaı Kostov eki taraptyń kelisimi boıynsha «Aqtóbe» fýtbol klýbynyń bas bapkeri qyzmetinen ketti.
