Nurbol Jumasqalıev «Tobyl» klýbynyń bas bapkeri bolyp taǵaıyndaldy

ASTANA. KAZINFORM – Oral fýtbolynyń túlegi Nurbol Jumasqalıev «Tobyl» klýbynyń bas bapkeri bolyp taǵaıyndaldy.

«Tobyl» fýtbol klýbynyń baspasóz qyzmetinen málim etkenindeı, Nurbol Járdemuly komanda oıynshylarymen, jalpy, Qostanaı fýtbolynyń tarıhymen jaqsy tanys. 

Klýbtyń ańyz oıynshysy «Tobyl» sapyndaǵy alǵashqy matchyn sonaý 2000 jyly ótkizdi. «Tobyl» jeıdesinde Nurbol Járdemuly barlyq týrnırlerde 500-den astam matchqa qatysty.
Nurbol Jumasqalıev Premer-lıgadaǵy gol soqqandar tiziminde rekordshy. Jartylaı qorǵaýshy qostanaılyq klýbpen el chempıonatyn, kýbokti jáne medaldardyń barlyq jıyntyǵyn jeńip aldy. Qazaqstannyń úzdik oıynshysy jáne jartylaı qorǵaýshysy atandy.

Osyǵan deıin bas bapker bolǵan serbııalyq maman Mılıch Chýrchıch bıylǵy 10 maýsymda qyzmetinen ketken edi. Sodan beri N.Jumasqalıev bas bapker mindetin atqaryp keldi. 

Sońǵy týrda Aqtóbede basty qarsylastarynyń birin 4:3 esebimen tize búktirgen qostanaılyq klýb 19 upaımen týrnır kestesinde tórtinshi orynda keledi.