Nurbol Jumasqalıev «Ertistiń» bas bapkeri qyzmetinen ketti
ASTANA. KAZINFORM — Pavlodarlyq «Ertis» fýtbol klýby bas bapker Nurbol Jumasqalıevtiń otbasylyq jaǵdaıyna baılanysty óz ótinishi boıynsha qyzmetinen ketkenin málim etti.
Sonymen qatar klýbtan bas bapkerdiń kómekshileri Danııar Muqanov pen Oleg Nedashkovskıı de ketti.
— Nurbol Járdemuly men onyń jattyqtyrýshylar shtabyna atqarǵan eńbegi, kásibıligi úshin alǵys aıtamyz. Aldaǵy qyzmetterine sáttilik tileımiz, — dep jazylǵan habarlamada.
Tájirıbeli maman bul qyzmetke mamyr aıynda kelgen edi.
Nurbol Jumasqalıev — Qazaqstan chempıonattary tarıhyndaǵy eń úzdik oıynshylardyń biri. Ol el birinshiliginde 526 match ótkizip, 167 gol soqqan rekordsmen sanalady. Karerasynyń basym bóligin «Tobyl» sapynda ótkizgenimen, 2017 jyly «Ertis» sapynda da óner kórsetti.
Sonymen qatar ol Qazaqstan chempıonatynyń jeńimpazy, Kýbok jáne Sýperkýbok ıegeri, sondaı-aq Intertoto kýbogynyń júldegeri.
Oıynshylyq mansabyn aıaqtaǵannan keıin «Tobyl» klýbynda túrli qyzmetter atqaryp, bapkerlik tájirıbe jınaqtady.
Sondaı-aq ulttyq jáne jastar quramalarynda bapkerdiń kómekshisi bolyp jumys istedi.
Aıta ketsek, pavlodarlyq klýbqa deıin bıyl Qostanaıdyń «Tobyl» komandasy bas bapkeri bolǵan edi.
