Nurbol Nazarbaevtyń paıdasyna shyǵarylǵan sot sheshimi kúshin joıdy – Bas prokýratýra

ASTANA. KAZINFORM – Bas prokýror Berik Asylov Bolat Nazarbaevtyń uly Nurbol Nazarbaevtan zardap shekkenin sotqa málimdegen kásipkerdiń isi qaıta tergelip jatqanyn málim etti.

- Almaty qalasy boıynsha Ekonomıkalyq tergep-tekserý departamenti (budan əri – ETD) K. Ermentaevqa tıesili «PORUS» JShS-nyń jarǵylyq kapıtalynyń 16% úlesin zańsyz qaıta tirkeý faktisi boıynsha tergep-tekserýdi júrgizdi (QK-niń 249-babynyń 1-bóligi). Onyń nətıjesi boıynsha qylmystyq is 22.02.2024 j. qylmys quramynyń bolmaýyna baılanysty toqtatyldy. Keıin sotqa deıingi is júrgizý materıaldaryn zerdeleý qorytyndysy boıynsha jəne K.Ermentaev keltirgen dəlelderdi eskere otyryp, 09.10.2025 j. buryn qabyldanǵan sheshimniń kúshi joıyldy, - dep jazdy Bas prokýror Májilis depýtattarynyń saýalyna joldaǵan jaýapta.

Aıtýynsha, osy másele boıynsha qosymsha tergeý júrip jatyr.

- Qazirgi ýaqytta Almaty qalasy boıynsha ETD keltirilgen faktilerdi jan-jaqty jəne obektıvti tekserýge baǵyttalǵan qosymsha tergeý əreketterin júrgizýde. Sotqa deıingi tergep-tekserý barysy prokýratýra organdarynyń turaqty baqylaýynda, - dep jazady Berik Asylov.

Eske salsaq, Májilis depýtaty Azat Perýashev Saryaǵash ákimdigi Bolat Nazarbaevtyń isin jeleý etip, basqa kásipkerdiń shıpajaıyn tartyp alǵanyn málimdegen bolatyn.