Nurbol Qurman – Atyraý qalalyq máslıhatynyń jańa tóraǵasy
Atyraý qalalyq máslıhatynyń birinshi sessııasynda depýtattar arasynan tóraǵa laýazymynyna usynylǵan Nurbol Qurmannyń kandıdatýrasyna qoldaý bildirdi.
Nurbol Orazbaıuly 1976 jyly týǵan. Atyraý oblysynyń Qyzylqoǵa aýdanyndaǵy Saǵyz aýylynan mektep bitirgen.
Ol budan buryn Atyraý qalalyq máslıhatynyń depýtaty bolǵan. Osy kezge deıin «Otbasy bank» AQ Atyraý oblystyq fılıalynyń dırektory laýazymyn atqarǵan.
Bıyl qalalyq máslıhattyń 25 depýtaty birmandatty okrýgten saılanǵan. Máslıhatta turaqty tórt komıssııa jumys isteıdi. Bul – bıýdjet, qarjy, ekonomıka jáne óńirlik damý máseleleri, ekologııa, tabıǵat paıdalaný jáne agrarlyq máseleler, áleýmettik jáne mádenı damý jáne zańdylyqty saqtaý, depýtattyq etıka, quqyq qorǵaý máseleleri jónindegi turaqty komıssııalar.
«Bul komıssııalardyń tóraǵalyǵyna Qarshyǵa Jaýymbaev, Ilıas Qonysbaev, Aıjan Sársembaeva men Vadım Qulmaǵambetov saılandy. Turaqty komıssııalardyń otyrysnda turǵyndardyń problemalyq máselerge baılanysty ótinishteri men usynystary qaralady. Keıin qalalyq máslıhattyń sessııasynda qaralady», -dep habarlady Atyraý qalalyq máslıhatynan.
Eske sala ketelik, budan buryn Atyraý qalalyq máslıhatyna ótken depýtattar belgili bolǵanyn jazǵan bolatynyz.
Atyraý qalalyq saılaý komıssııasynyń málimetine súıensek, saılaýshylardyń tizimine 231 915 adam engizilgen.
Daýys berýge 76 508 saılaýshy qatysqan. Birmandattyq saılaý okrýgterine 71 kandıdat tirkelgen.
Sondaı-aq, Musa Haırýllıev Atyraý oblystyq máslıhatynyń tóraǵasy bolyp saılanǵanyn habarlaǵan edik.
