Nurbol Baıjanov Týrızm ındýstrııasy komıtetiniń tóraǵasy bolyp taǵaıyndaldy
ASTANA. KAZINFORM – Týrızm jáne sport mınıstriniń buıryǵymen Nurbol Baıjanov Týrızm jáne sport mınıstrligi Týrızm ındýstrııasy komıtetiniń tóraǵasy qyzmetine taǵaıyndaldy. Bul týraly Úkimettiń baspasóz qyzmeti habarlady.
1993 jyly Ulytaý oblysynda dúnıege kelgen.
L.N.Gýmılev atyndaǵy Eýrazııa ulttyq ýnıversıtetin, Turan–Astana ýnıversıtetin támamdaǵan.
Memlekettik qyzmette 2017 jyldan beri eńbek etedi. Eńbek jolyn Qazaqstan Investıtsııalar jáne damý mınıstrliginiń Týrızm ındýstrııasy departamentinde sarapshy bolyp bastaǵan. Keıin Mádenıet jáne sport mınıstrligi Týrızm ındýstrııasy komıtetinde sarapshy, bas sarapshy jáne basqarma basshysy qyzmetterin atqardy.
2021–2025 jyldary Mádenıet jáne sport mınıstrligi men Qazaqstan Respýblıkasy Týrızm jáne sport mınıstrligi Týrızm ındýstrııasy komıtetiniń marketıng jáne jarnama, ınvestıtsııalar tartý jáne ilgeriletý, ishki taldaý, sondaı-aq týrızm salasyndaǵy júıeli sharalardy iske asyrý basqarmalaryna basshylyq etti.
2025 jylǵy shildeden bastap Qazaqstan Respýblıkasy Týrızm jáne sport mınıstrligi Týrızm ındýstrııasy komıteti tóraǵasynyń orynbasary qyzmetin atqardy.
2026 jylǵy qańtardan bastap osy ýaqytqa deıin Qazaqstan Respýblıkasy Týrızm jáne sport mınıstrligi Týrızm ındýstrııasy komıteti tóraǵasynyń mindetin atqardy.
Aıta keteıik, Erjan Toqtaǵulov Mádenıet jáne aqparat vıtse-mınıstri bolyp taǵaıyndaldy.
