Nurbergen Jumaǵazıev álem kýbogyn qola medalmen aıaqtady
ASTANA. QazAQparat - Belarýs astanasy Mınsk qalasynda ótip jatqan short-trek sportynan álem kýbogynyń sońǵy altynshy kezeńinde Nurbergen Jumaǵazıev qola medal aldy, dep habarlaıdy QazAqparat tilshisi.
1000 metr qashyqtyqta ótken synda fınalǵa eki birdeı otandasymyz shyǵyp, Abzal Ájiǵalıev segizinshi oryndy qanaǵat tutty.
Nurbergen Jumaǵazıev atalǵan qashyqtyqta úshinshi bolyp máre syzyǵyn kesti. Taǵy bir otandasymyz Denıs Nıkısha tórtinshi orynda. 1000 metrde Koreıa eliniń sportshysy bas júldeni qanjyǵasyna baılady.
Al osy qashyqtyqta arýlarymyzdyń eń aldy besinshi orynmen shekteldi. Bul kórsetkishke Anastasııa Krestova qol jetkizdi. Taǵy bir otandasymyz Kım Iong 20-shy orynǵa taban tiredi.
Bul joly da bas bapker Mádiǵalı Qarsybekovtyń altyn alamyz degen úmiti aqtalmady.
