Nurbek Serikov Sý sharýashylyǵy komıtetiniń tóraǵasy bolyp taǵaıyndaldy
ASTANA. KAZINFORM — Nurbek Serikov Sý resýrstary jáne ırrıgatsııa mınıstrliginiń Sý sharýashylyǵy komıtetiniń tóraǵasy bolyp taǵaıyndaldy. Bul týraly vedomstvonyń baspasóz qyzmeti habarlady.
Nurbek Serikov 1989 jyly Qaraǵandy oblysy Balqash qalasynda dúnıege kelgen. Akademık E.A. Bóketov atyndaǵy Qaraǵandy memlekettik ýnıversıtetin, S. Seıfýllın atyndaǵy Qazaq agrotehnıkalyq ýnıversıtetin, Soltústik Zaýrale memlekettik agrarlyq ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademııasyn jáne Qazaq ulttyq sý sharýashylyǵy jáne ırrıgatsııa ýnıversıtetin bitirgen. Prezıdenttik jastar kadr rezerviniń múshesi.
Eńbek jolyn 2012 jyly Qazaqstan Respýblıkasy Indýstrııa jáne jańa tehnologııalar mınıstrligi Ónerkásip komıtetiniń ekonomısi qyzmetinen bastaǵan.
2012-2013 jyldary — Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń sarapshysy.
2013-2019 jyldary — Qurylys jáne turǵyn úı-kommýnaldyq sharýashylyq isteri komıtetiniń sarapshysy, bas sarapshysy, sondaı-aq Sýmen jabdyqtaý jáne sý burý basqarmasynyń basshysy qyzmetterin atqarǵan.
2019-2020 jyldary — Qazaqstan Respýblıkasy Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń Kommýnaldyq sharýashylyq basqarmasynyń basshysy.
2020-2022 jyldary — «Turǵyn úı-kommýnaldyq sharýashylyǵyn jańǵyrtý jáne damytýdyń qazaqstandyq ortalyǵy» AQ basqarma tóraǵasynyń orynbasary.
2022-2023 jyldary — «Qaraǵandy oblysynyń tabıǵı resýrstar jáne tabıǵat paıdalanýdy retteý basqarmasy» memlekettik mekemesiniń basshysy.
2023-2024 jyldary — «Turǵyn úı-kommýnaldyq sharýashylyǵyn jańǵyrtý jáne damytýdyń qazaqstandyq ortalyǵy» AQ basqarýshy dırektory, keıin basqarma tóraǵasynyń orynbasary qyzmetterin atqarǵan.
2024 jylǵy tamyzdan 2026 jylǵy qazanǵa deıin Qazaqstan Respýblıkasy Sý resýrstary jáne ırrıgatsııa mınıstrligi Sý sharýashylyǵy komıteti tóraǵasynyń orynbasary boldy.
2026 jylǵy qarashadan bastap Qazaqstan Respýblıkasy Sý resýrstary jáne ırrıgatsııa mınıstrligi Sý sharýashylyǵy komıtetiniń tóraǵasy bolyp taǵaıyndaldy.
Eske salaıyq, buǵan deıin Ernar Hasenov Memlekettik energetıkalyq qadaǵalaý komıtetiniń tóraǵasy bolǵanyn habarlaǵanbyz.