Nurbek pen Aıbektiń esimin 6 jasar erke qyz qoıǵan
ASTANA. KAZINFORM — Dál qazir Oralbaı shańyraǵynda Nurbektiń týǵan-týystary jınalǵan. Olardyń arasynda Nurbek pen Aıbektiń esimin qoıǵan Móldir Oralbaı da júr.
«Men Nurbek pen Aıbektiń ákesi Rahat Oralbaıdyń aǵasynyń qyzymyn. Ata-ájeniń alǵashqy nemeresi bolǵandyqtan erke bolyp óstim. Qatty erke bolǵanym sonshalyq, 2000 jyly baýyrlarym dúnıege kelgende esimin qoıý baqyty maǵan buıyrdy. Ol kezde nebary 6 jasta ǵana edim. Bul esimder dalada birge oınap júrgen balalardyń esimi bolatyn», -dedi Móldir.
Esterińizge sala ketsek, munyń aldynda Nurbek Oralbaıdyń anasy ulyna qalaı úshinshi «bapker» bolǵanyn áńgimelep bergen edi.
Aıta keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi.
Sanaýly sátterden keıin bokstan erler arasynda 80 keli salmaqta Nurbek Oralbaı sharshy alańǵa shyǵady.
Ol ýkraınalyq Aleksandr Hıjnıakpen altynǵa talasady.
