Nurbek Oralbaı qarsylasyn úsh ret nokdaýnǵa jiberip, merziminen buryn jeńdi
ASTANA. KAZINFORM — Otandyq boksshy Nurbek Oralbaı aıqyn basymdyqpen jeńiske jetti, dep habarlaıdy Sportty damytý dırektsııasynyń baspasóz qyzmeti.
Búgin Qytaıdyń Gýııan qalasynda Álem kýbogynyń ekinshi kezeńi bastaldy.
Parıj Olımpıadasynyń kúmis júldegeri Nurbek Oralbaı 1/8 fınalda Ońtústik Koreıa ókili Gıchshae Kımmen judyryqtasty.
— Jekpe-jek barysynda otandasymyz qarsylasyn 3 márte nokdaýnǵa jiberdi. Nátıjesinde tóreshi 2-raýndta aıqasty toqtatty, — delingen habarlamada.
Aıta keteıik, buǵan deıin 60 kelide Serik Temirjanov ta Germanııa boksshysy Denıs Brıldi 5:0 esebimen jeńgen edi.
Buǵan deıin Nurbek Oralbaı Azııa chempıonatynda top jarǵanyn jazǵanbyz.
