Nurbek Oralbaı álem chempıonatynda ózbekstandyq boksshyǵa jol berdi

ASTANA. KAZINFORM – Qazaqstandyq boksshy Nurbek Oralbaı (80 keli) Lıverpýl qalasynda World Boxing aıasynda ótip jatqan álem chempıonatyn shırek fınaldan aıaqtady.

Bul kezeńde otandasymyz ózbekstandyq boksshy Djavohır Ýmmatalıevpen qolǵap túıistirip, qarsylasyna ese jiberdi. 

Nurbek Oralbaı 2000 jyly Astana qalasynda dúnıege kelgen. Qazirge deıin 2024 jyly Parıj Olımpıadasynda kúmis júldeger atansa, 2023 jyly álem chempıony bolǵan edi.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.

World Boxing uıymynyń aıasynda alǵash ret ótetin álem chempıonatyna 68 elden barlyǵy 554 (erler - 329, áıelder - 225) keldi.

Eske salsaq, budan buryn álem chempıonatynda Tórehan Sabyrhan frantsııalyq bylǵary qolǵap sheberi Makan Traoreden basym tústi.