Nurbek Qarasaev: Óz daýystaryńyzdy tıimdi paıdalanyńyzdar

ASTANA. QazAqparat - Búgin «Amanat» partııasynyń Mańǵystaý oblystyq fılıalynyń tóraǵasy Nurbek Qarasaev, oblystyq máslıhat depýtattyǵyna úmitker Nurbol Oqýov, Marat Abzal, Jambolat Tangıev «Qala joldar» JShS mekemesiniń ujymymen kezdesti, dep habarlaıdy QazAqparat.

Kezdesýde Nurbek Qarasaev aldaǵy saılaýdyń mańyzyna toqtalyp, saılaýaldy baǵdarlamanyń basym baǵyttaryn atap ótti.

- Árbirińizdiń daýysyńyz saılaý úshin mańyzdy. Sebebi oblys boıynsha daýys berýge quqyly turǵyndardyń sany belgili. Soǵan saı ortalyq saılaý komıssııasy daýys berý paraqtaryn daıyndap, oblysqa jiberedi. Sondyqtan ózderińizge tıesili bıýlletenderdi durys paıdalanyp, daýystaryńyzdy laıyqty partııaǵa berińizder. Daýys berý bar bolǵany jarty saǵat ýaqytty alady. Eń bastysy ózimizdiń saıası turǵyda saýatty ekenimizdi kórsete bileıik,-dedi Nurbek Qarasaev.

Máslıhat depýtattyǵyna kandıdat Nurbol Oqýov «Qala joldary» mekemesiniń qala tazalyǵyna qosyp jatqan úlesin tilge tıek etti.

- Sizderdiń eńbekterińiz árqashan baǵalaný kerek. Qalanyń tazalyǵyn saqtaýda kúnniń ystyq-sýyǵyna qaramastan tynbaı eńbek etip kelesizder. Oblysymyzda turatyn barlyq halyqtyń jaǵdaıy – «Amanat» partııasy úshin mańyzdy. Sondyqtan sizderdiń árqaısyńyzdyń ótinish, tilekterińiz, usynys, pikirlerińiz jerde qalmaıdy. Ol eskeriledi. Bizdiń partııanyń saılaýaldy baǵdarlamasy da jergilikti halyqtyń muń-muqtajy eskerilip jasalǵanyn aıtyp ótkim keledi. Bunymen toqtap qalmaı, sizderdiń oı-pikirlerińiz áli de eskeriletin bolady. Saılaýaldy baǵdarlamanyń basym baǵyttary jańa jumys oryndaryn qurý, medıtsına, bilim, týrızm salasyn jańǵyrtý, halyqtyń áleýmettik jaǵdaıyn kóterýge baǵyttalǵan. Sondyqtan aldaǵy ózgerister – tek jaqsylyqtyń jarshysy bolmaq,-dedi Nurbol Oqýov.

Tapsyrys berýshi: N.Qarasaev.

Mańǵystaý oblystyq máslıhaty depýtattarynyń saılaýynda partııalyq tizimdi usynǵan «AMANAT» partııasy Saılaý qorynyń qarajatynan tólendi.