Nurbek Qarasaev: «Amanat» partııasy naqty josparlardy iske asyrady

ASTANA. QazAqparat - «Amanat» partııasy Mańǵystaý oblystyq fılıalynyń tóraǵasy Nurbek Qarasaev saılaýǵa túsip jatqan máslıhat depýtattyǵyna kandıttardan zor úmit kútetinin aıtty, dep habarlaıdy QazAqparat.

Halyqtyń áleýmettik jaǵdaıyna zer salý - basty mindetterdiń biri dep esepteıdi. Sonyń ishinde erekshe qajettilikteri bar adamdardy qoldaý, jastardyń bastamalaryna qoldaý kórsetý, mektepter sanyn arttyryp, oryn jetispeýshiligin joıý syndy mańyzdy mindetterdiń birqataryn atap ótti.

- Bizdiń saılaýaldy baǵdarlamamyz qundylyqtarymyzdy, basymdyqtarymyz ben prıntsıpterimizdi kórsetedi.

«AMANAT» partııasy jaýapkershilikten qoryqpaıdy, úlken saıası tájirıbesi bar jáne iske asyrylatyn naqty josparlardy usynady. Saılaýdan keıin depýtattardyń belsendiligi artyp, naqty máseleni zerttep, onyń sheshý joldaryn usynyp, osylaısha partııanyń jumysy odan ári jandanady dep senemin. Bul óz kezeginde memlekettik organdar men halyqtyń arasyndaǵy alshaqtyqty joıýǵa múmkindik beredi. Taǵy bir aıta keterligi, óńirdi damytýdyń birden bir joly - óndiris oshaqtaryn kóbeıtý, barlyq sala boıynsha ózimizdiń jergilikti óndiristi damytý. Ásirese azyq-túlik salasyna zer salý kerek, - dedi Nurbek Qarasaev.

Sonymen qatar Nurbek Qarasaev oblystaǵy medıtsına salasynyń da ózekti ekenin aıtty. Jol, ınfraqurylym salalary da jańartýdy talap etedi. Halyqty turǵyn úımen qamtamasyz etý máselesi de partııanyń saılaýaldy baǵdarlamasynyń basym baǵyttarynyń biri.

- Oblysta turǵyn úı alýǵa kezekte 24 myńnan astam adam tur, onyń ishinde 3,3 myńy kópbalaly jáne 8,9 myńy áleýmettik osal otbasynan. Aldaǵy 5 jylda partııa áleýmettik turǵyn úı qurylysyna, ınjenerlik ınfraqurylymdy damytýǵa járdemdesetin bolady, - dedi Nurbek Qarasaev.

2027 jylǵa deıin 5,4 mln sharshy metr turǵyn úı salý, aýylda jeke turǵyn úı qurylysy úshin ınfraqurylymnyń 4 myń jer ýchaskesine jetkizilýin baqylaý, aýylda turǵyn úı salý úshin jumys berýshilerdiń shyǵyndaryn sýbsıdııalaý, Jańaózen qalasy men Munaıly aýdanyndaǵy 5 eski turǵyn úıdi jańǵyrtý jumystary kezek kútip tur.

Bul sharalar 5 jyl ishinde keminde 10 myń otbasyn, onyń ishinde halyqtyń áleýmettik osal toptarynyń 827 otbasyn jáne kópbalaly otbasylardy turǵyn úımen qamtamasyz etýge múmkindik beredi.

Tapsyrys berýshi: N.Qarasaev.

Mańǵystaý oblystyq máslıhaty depýtattarynyń saılaýynda partııalyq tizimdi usynǵan «AMANAT» partııasy Saılaý qorynyń qarajatynan tólendi.