Nurbek Daıyrbekov QR aýyl sharýashylyǵy vıtse-mınıstri qyzmetinen bosatyldy

NUR-SULTAN. QazAqparat - QR Úkimetiniń qaýlysymen Nurbek Slıamhanuly Daıyrbekov bergen ótinishine sáıkes Qazaqstan Respýblıkasynyń aýyl sharýashylyǵy vıtse-mınıstri qyzmetinen bosatyldy.

Bul týraly QR Premer-Mınıstriniń baspasóz qyzmeti habarlaıdy.

Nurbek Daıyrbekov 1973 jyly Almaty qalasynda dúnıege kelgen. Lenın komsomoly atyndaǵy Novosıbırsk memlekettik ýnıversıtetin, QR Prezıdenti janyndaǵy Qazaqstan menedjment, ekonomıka jáne boljaý ınstıýtyn támamdaǵan.

Eńbek jolyn 1994 jyly bastaǵan. Ár jyldary kommertsııalyq sektor men memlekettik qurylymdarda jumys istegen.

2019 jylǵy sáýirden qarashaǵa deıin — «Azyq-túlik kelisimshart korporatsııasy» UK» AQ basqarýshy dırektory.

2019 jylǵy qarashadan bastap qazirge deıin QR aýyl sharýashylyǵy vıtse-mınıstri bolyp jumys istedi.