Nurbek Ájimbaıdyń anasy: Menińshe, naǵyz qylmysker bostandyqta júr
ASTANA.QazAqparat - Astanada medıtsına ýnıversıtetiniń stýdenti Erasyl Áýbákirovti óltirdi degen aıyppen 20 jylǵa sottalǵan Nurbek Ájimbaıdyń anasy óz ulynyń bul iske qatysy baryna senbeıdi.
«Ol eshkimnen qoryqpaıdy, shyndyq báribir jeńedi. Biz halyqaralyq sotqa deıin jetemiz. Barlyq ınstantsııalardy ótemiz. Meniń ulymnyń kinásizdigin dáleldep shyǵamyz», - deıdi Nurbek Ájimbaıdyń anasy Saýle Satybaldıeva tilshilerge bergen suhbatynda, dep habarlaıdy QazAqparat.
Aıta keteıik, sot barysynda qylmys jasady degen kúdikpen jaýapqa tartylǵan Nurbek Ájimbaı, Vıtalıı Sherstenev pen Andreı Tıhonenkolarǵa 11-den 20 jylǵa deıin bas bostandyǵynan aıyrý jazasy kesildi. Nurbek Ájimbaı 20 jylǵa bas bostandyǵynan aıyrý úkimi shyǵaryldy.
«Men talaı hat jazdym, degenmen eshkim buǵan kóńil aýdarmady. Menińshe, naǵyz qylmysker bostandyqta júr. Ulym kinásiz ekenine senemin», - dep atap ótti ol.
