Nurbankten urlanǵan 100 myń dollar tabyldy
ASTANA. 17 mamyr. QazAqparat - «Nurbank» AQ-tan urlanǵan 100 myń dollar tabyldy, dep habarlady Almaty qalalyq ІІD baspasóz qyzmetinen.
Vedomstvonyń atap ótýinshe, bank qyzmetkerleri 14 mamyr kúni 100 myń AQSh dollary kólemindegi qarjynyń jetispeıtindigin anyqtaǵan. Aqsha ınkassatorlardan tolyq kólemde alynǵannan keıin joǵalǵan.
Jedel izdestirý sharalary barysynda 15 mamyr kúni Almaty qalalyq ІІD Krımınaldy polıtsııa qyzmetkerleri 1990 jyly dúnıege kelgen bank kassırin ustady. Ol óz kinásin oıyndap, aqsha bankke qaıtaryldy.
Qazirgi ýaqytta ustalǵan adam qalalyq ІІD-niń ýaqytsha oqshaýlaý ornyna qamaldy.
