Nurbah Rústemov: Elbasy maqalasyndaǵy ıdeıalar - rýhanııat salasyndaǵy reformatorlyq jańalyqtar
ASTANA. QazAqparat - Elimizdiń tarıhy - biregeı múmkindikterdi iske asyrý jylnamasy. Qazaqstannyń barlyq jeńisteri men jetistikteri Prezıdenttiń erik-jigeri men eńbeginiń arqasynda ekeni sózsiz. Osy joly da Memleket basshysy barlyǵymyzǵa kóregen saıasatker ári uly strateg ekenin taǵy bir márte dáleldedi.
«Egemen Qazaqstan» gazetinde jarııalanǵan Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasyna Vengrııa Respýblıkasyndaǵy QR Tótenshe jáne ókiletti elshisi Nurbah Rústemov osyndaı pikir bildirdi.
«Taıaýda Qazaqstan halqy Úshinshi jańǵyrý jolyna tústi. Ol ýaqyt syn-qater men jalpy álemdik úderisterge jaýap beretin ekonomıkamyzdy jańartyp qana qoımaıdy. Biz otandyq tarıhtaǵy jańa leptiń kýágeri boldyq, ol qoǵamnyń ulttyq sanasyn jańǵyrtýy tıis. Memleket basshysy óz maqalasynda rýhanı bilimsiz sanany tolyq jańǵyrtý múmkin emestigin dóp basyp aıtty», - dep atap ótti N. Rústemov.
Onyń pikirinshe, tehnologııa men ınnovatsııany, ekonomıkanyń jańa salalaryn damytýdy, ınfraqurylym qurylysyn basty nazarǵa ala otyryp, rýhanı baılyǵymyz jaıly umytpaýymyz tıis.
«Uly ulttar únemi Úılesim jolyn tańdaǵan. Rýhanı qundylyqtyń gúldenýi ómirdiń barlyq salalarynda qoǵamdy árqashan bıikke jetelegen. Tek bilimi joǵary, rýhanı baı adamdar ǵana jańa syn-qaterlerge ıkemdi bolyp, durys sheshim qabyldaı alady» ,- deıdi ol.
Elshi Ult kóshbasshysynyń bizge rýhanı jańǵyrýdyń 6 negizgi baǵytyn usynǵanyna erekshe toqtaldy.
«Bul jańǵyrýdyń negizi - Uly dalanyń kópǵasyrlyq murasy, halyq danalyǵy men ómirlik tájirıbesiniń úılesimi. Maqalada aıtylǵan ıdeıalar -rýhanııat salasyndaǵy reformatorlyq jańalyqtar. Baǵdarlamalyq maqala nátıjelerin biz jaqyn arada kóretin bolamyz», - dep atap ótti Nurbah Rústemov.
Onyń pikirinshe, Úshinshi jańǵyrýdyń ár mindetin iske asyrý «adam kapıtalyna», ulttyń zııatkerlik múmkindikteri men rýhanı qýatyna tikeleı baılanysty bolady.
Sondaı-aq elshiniń aıtýynsha, Elbasynyń «Bolashaqqa baǵdar: rýhanı jańǵyrý» atty maqalasy halyqtyń rýhanı damýy jaıly tolǵanysy, bolashaqqa degen fılosofııalyq kózqarasy ǵana emes. Maqala birqatar naqty sharalardy qamtıdy. Olardyń árqaısysy avtor qalyptastyrǵan ıdeıalardy iske asyrýǵa baǵyttalǵan.
«Elbasy alǵa qoıǵan jańa mindetter Qazaqstandy álemdik deńgeıge kóteretin jańa kókjıekter ashatynyna senimdimin», - dep qorytyndylady oıyn N.Rústemov.
