Nuraıdyń ólimine qatysty is: Bas prokýratýra kúdiktini tergeý boıynsha túsinik berdi
ASTANA. KAZINFORM – QR Bas prokýrorynyń orynbasary Erlan Ótegenov Shymkentte 21 jastaǵy Nuraı Serikbaıdy óltirdi degen kúdiktiniń psıhıatrııalyq aýrýhanaǵa jatqyzylýyna qatysty pikir bildirdi.
Aıta keteıik, jaqynda boıjetkendi óltirdi degen kúdikti májbúrli psıhıatrııalyq emdeýge jiberilgeni málim boldy.
E.Ótegenov kúdiktige qatysty sot-psıhıatrııalyq saraptama júrgizý qajet ekenin aıtty.
— Nuraı isine toqtalsaq, saraptamanyń bul túri - asa aýyr qylmystardy tergeý aıasynda júrgizilýi tıis mindetti saraptama. Qazir bul saraptama júrgizildi, - dedi Bas prokýrordyń orynbasary Senatta tilshiler suraǵyna jaýap bere otyryp.
Eske salsaq, marqum Nuraı Serikbaıdyń ólimine kúdikti retinde 28 jastaǵy Shymkent qalasynyń turǵyny ustalyp, ýaqytsha ustaý ızolıatoryna qamaldy.
Prezıdent Shymkenttegi boıjetkenniń ólimine qatysty Bas prokýratýraǵa tapsyrma berdi.
Qyzdy óltirý faktisi boıynsha qozǵalǵan qylmystyq isti tergeý úshin ortalyq apparattan mamandar jiberildi.
Boıjetkenniń óliminen keıin óz qyzmetine salǵyrt qarady degen kúdikpen polıtsııa qyzmetkerlerine qylmystyq is qozǵaldy.
