Nuraı Serikbaıdy óltirdi degen kúdikti májbúrli psıhıatrııalyq emdeýge jiberildi
ShYMKENT. KAZINFORM – Shymkentte 21 jastaǵy Nuraı Serikbaıdy kóshede pyshaqtap óltirgen kúdikti Sherhan Aımahanǵa qatysty jańa derekter paıda boldy.
Áleýmettik jelide taraǵan aqparatqa sáıkes, Nuraıdyń aǵasy Sultan Serikbaı qazirgi tańda kúdikti Sherhan Aımahannyń «psıhıkalyq aýytqýy bar» dep anyqtalyp, Almaty oblysy Talǵar aýdanyndaǵy medıtsınalyq mekemede em qabyldap jatqany týraly jazdy.
Osyǵan qatysty Kazinform tilshisine resmı túsinik bergen Shymkent qalasy polıtsııa departamenti tergeý barysynyń qatań baqylaýda ekenin málimdedi.
Vedomstvo málimetinshe, qazirgi tańda kúdiktige qatysty tergeý kisi óltirý, nekege turýǵa májbúrleý jáne stalkıng faktileri boıynsha jalǵasyp jatyr.
– Eki ret júrgizilgen sot-psıhıatrııalyq saraptama qorytyndysy boıynsha kúdiktiden psıhıkalyq buzylýlar anyqtaldy. Osyǵan baılanysty ol mamandandyrylǵan mekemege májbúrli emdeýge jiberildi. Emdeý aıaqtalǵannan keıin kúdikti tergeý áreketterin jalǵastyrý úshin qaıtadan tergeý ızolıatoryna etappen jetkiziledi, - delingen Shymkent qalasy polıtsııa departamenti usynǵan aqparatta.
Sondaı-aq quqyq qorǵaý organdarynyń ókilderi tergeýshilerdiń jábirlenýshi tarappen turaqty baılanys ornatqanyn atap ótti.
– Tergeý barysynda jábirlenýshilermen úzdiksiz baılanys qamtamasyz etilgen. Qabyldanyp jatqan barlyq protsestik sheshimder boıynsha jan-jaqty túsindirmeler berilip, zańda belgilengen tártippen tergeý barysy týraly aqparat usynylady. Sonymen qatar saraptama qorytyndylary men is materıaldary túsindirilip otyrady, - dep naqtylady vedomstvo.
Polıtsııa ókilderi azamattarǵa jalǵan aqparat taratqany úshin jaýapkershilik baryn eske salyp, tek resmı derekkózderge ǵana senýge shaqyrdy.
Budan buryn Shymkentte 21 jastaǵy boıjetkendi óltirgen kúdikti ómir boıyna bas bostandyǵynan aıyrylýy múmkin ekenin jazǵan edik.
Polıtsııa qaza tapqan stýdent qyzdyń otbasy jarııalaǵan derekterge jaýap berdi.
Prezıdent Shymkenttegi boıjetkenniń ólimine qatysty Bas prokýratýraǵa tapsyrma berdi.
Qyzdy óltirý faktisi boıynsha qozǵalǵan qylmystyq isti tergeý úshin ortalyq apparattan mamandar jiberildi.
Boıjetkenniń óliminen keıin óz qyzmetine selqos qarady degen kúdikpen polıtsııa qyzmetkerlerine qylmystyq is qozǵaldy.
