Nuraı Serikbaı ólimi: Kúdiktiniń psıhıkalyq aýytqýy rastalmady
ASTANA. KAZINFORM — Shymkentte 21 jastaǵy Nuraı Serikbaıdy kóshede pyshaqtap óltirgen kúdikti sot aldynda aqyl-esi durys adam retinde jaýap beredi. Bul týraly Іshki ister mınıstriniń orynbasary Sanjar Ádilov aıtty.
Onyń aıtýynsha, tergeý amaldary aıaqtalyp qaldy jáne is boıynsha sot-psıhıatrııalyq saraptama nátıjesi shyqty.
— Tergeýshi qaýlysymen sot-psıhıatrııalyq saraptama júrgizildi. Qazir onyń nátıjeleri alyndy. Kúdikti zań aldynda aqyl-esi durys tulǵa retinde jaýap beredi. Biz tergeý amaldaryn júrgizip jatyrmyz, qazir aıaqtalý satysynda tur, — dedi Sanjar Ádilov Senat kýlýarynda tilshilerge bergen suhbatynda.
Buǵan deıin Nuraı Serikbaıdy óltirdi degen kúdiktiniń májbúrli psıhıatrııalyq emdeýge jiberilgeni habarlanǵan edi.
Kúdiktige qatysty tergeý kisi óltirý, nekege turýǵa májbúrleý jáne stalkıng faktileri boıynsha júrgizilgen.
