Nuraı Qaznabek taekvondodan jasóspirimder arasyndaǵy álem chempıonatynda kúmis júlde aldy

ASTANA. KAZINFORM – Taekvondodan Qazaqstannyń jasóspirimder komandasynyń ókili Nuraı Qaznabek Chýnchhonda (Ońtústik Koreıa) ótip jatqan álem chempıonatynda kúmis júldege qol jetkizdi. Bul týraly Ulttyq olımpıadalyq komıtet málimdedi.

Sportshy 59 kelige deıingi salmaqta ekinshi orynnan kórindi.

Fınalda ol Irannan kelgen Aınaz Nasırıge ese jiberdi. Al úshinshi oryndy kanadalyq Ella Brıýster men horvatııalyq Marııa Ýglegıch ózara bólisti.

Aıta keteıik, FIDE álemdegi úzdik shahmatshylardyń reıtıngin jańartty. Qazaqstandyq shahmatshylar álemniń úzdik oıynshylarynyń 5 reıtıngi boıynsha TOP-10 qataryna kirdi.