Nurasyl Amanaly Mońǵolııadaǵy reıtıngtik týrnırde kúmis medalǵa ıe boldy
ASTANA. KAZINFORM — Qazaqstan quramasy grek-rım kúresinen Mońǵolııanyń Ulan-Batyr qalasynda ótip jatqan reıtıngtik týrnırde kúmis júldege qol jetkizdi.
97 kelige deıingi salmaqta Nurasyl Amanaly fınalǵa deıin jetti. Altyn medal úshin ótken beldesýde ol úndistandyq Nıteshpen kúsh synasty.
Tartysty kezdesýde 13:9 esebimen úndistandyq balýan jeńiske jetti. Osylaısha, Nurasyl Amanaly týrnırdiń kúmis júldegeri atandy.
Sondaı-aq 72 kelige deıingi salmaq dárejesinde qola júlde úshin beldesken Sultan Ásetuly Qyrǵyzstan ókili Jantoro Mırzalıevten jeńilip qaldy.
Aıta ketelik Taekvondodan Gran-prı týrnırine qatysatyn qazaqstandyqtar anyqtalǵan edi.
