Nuraly Álip «Zenıt» sapynda Reseı chempıony atandy
NUR-SULTAN. QazAqparat – Qazaqstan quramasynyń qorǵaýshysy Nuraly Álip «Zenıt» (Sankt-Peterbýrg) komandasy sapynda fýtboldan Reseı chempıonatynyń jeńimpazy atandy, dep habarlaıdy QazAqparat tilshisi.
Reseı birinshiliginiń 27-týrynda «Zenıt» óz alańynda Máskeýdiń «Lokomotıvin» qabyldap, 3:1 esebimen jeńiske jetti.
Bul matchta Nuraly Álip birinshi taımda alańǵa shyqty.
Osy oıynnan keıin 61 upaı jınaǵan «Zenıt» qalǵan úsh týrdyń nátıjesine qaramastan, tórtinshi ret qatarynan chempıondyq ataqqa qol jetkizdi.
Bıyl «Qaırattan» «Zenıtke» aýysqan 22 jastaǵy Nuraly Álip Sankt-Peterbýrg klýby quramynda Reseı premer-lıgasynda jeti kezdesý ótkizdi.
Aqtaýlyq «Kaspıı» klýbynyń túlegi N.Álip 2020 jyly «Qaırat» sapynda Qazaqstan chempıony atanǵan bolatyn.
Eske sala keteıik, budan buryn «Qyzyljar» fýtbol klýbyna jańa bas bapker taǵaıyndalǵanyn jazǵan bolatynbyz.
