Nuraly Álip «Zenıt» fýtbol klýbymen kelisimshart merzimin uzartty

ASTANA. KAZINFORM — Fýtboldan Qazaqstan ulttyq quramasynyń qorǵaýshysy Nuraly Álip reseılik komandamen kelisimshart merzimin uzartty. Bul týraly «Zenıt» fýtbol klýbynyń baspasóz qyzmeti habarlady. 

Jańa kelisimshart 2028 jyldyń jazyna deıin jasaldy. 

«Zenıt» fýtbol klýby komandamen kelisimshart merzimin uzartqan Nuralyny quttyqtap, oǵan jańa tabys pen tolaıym jeńis tileıdi! - dep jazdy klýbtyń baspasóz qyzmeti. 

Esterińizge sala keteıik, ótken maýsymda RPL-da Nuraly Álip Sergeı Semak jattyqtyratyn komanda sapynda barlyq týrnırde 37 kezdesý ótkizip, bir gol soqqan bolatyn. «Zenıt» quramynda qazaqstandyq fýtbolshy úsh ret Reseı chempıony atandy.