Nuráli Álıev Fınlıandııa Syrtqy saýda jáne damý mınıstrimen kezdesti
ASTANA. QazAqparat - Búgin, 5 qazanda Astana qalasy ákiminiń orynbasary Nuráli Álıevtiń Fınlıandııa Respýblıkasynyń Syrtqy saýda jáne damý mınıstri Lenıta Toıvakkamen kezdesýi ótti,dep habarlady astana.gov.kz.
Lenıta Toıvakka hanym Qazaqstan Respýblıkasyna sapary sheńberinde úlken fın kompanııalarynyń 27 ýákili delegatsııasy quramynda Astana qalasyna keldi.
Kelissózderde taraptar ary qaraıǵy qazaqstandyq-fındik saýda-ekonomıkalyq seriktestik máselelerin, sondaı-aq qalalyq ınfraqurylymǵa qatysty máselelerdi talqylady.
«Qazaqstan men Fınlıandııany ózara tıimdi seriktestikti budan ári nyǵaıtý úshin edáýir múmkindikteri bar dástúrli ıgi jáne jemisti qarym-qatynastar baılanystyrady. Mundaı seriktestiktiń negizgi kórsetkishi Astana jáne Oýlý týystas qalalar bolyp tabylatyndyǵy» - dedi N. Álıev qonaqtarǵa sálem bere otyryp.
Kezdesý sheńberinde Nuráli Álıev Mınıstr hanymǵa jáne fın kásipkerlerine «Smart Astana» Kontseptsııasyn iske asyrý týraly da, sondaı-aq fın kompanııalarynyń «Astana - jańa qala» arnaıy ekonomıkalyq aımaǵyna tıimdi qatysýy múmkindikteri jaıly aıtyp berdi.
Áńgime barysynda Nuráli Álıev «sheteldik ınvestorlarǵa úlken qoldaý kórsetiletinin, sondaı-aq memlekettik jeńildikter men kepildikter usynalatynyn» erekshe atap aıtty.
Kezdesý qorytyndysynda Nuráli Álıev Lenıta Toıvakkaǵa qazaqstannyń astanasy Astanaǵa qyzyǵýshylyq bildirgeni úshin alǵys aıtty, sondaı-aq «Astana Invest 2015» VI halyqaralyq ınvestıtsııalyq forýmynda fın tarapynyń belsendi qatysýyna senimdiligin bildirdi.
Eske sala keteıik, «AstanaInvest 2015» VI halyqaralyq ınvestıtsııalyq forýmy 2015 jylǵy 29 qazanda Astana qalasynyń Táýelsizdik saraıynda ótedi. Atalmysh Forým memlekettik bılik ýákilderi, sheteldik jáne qazaqstandyq bıznes-qaýymdastyqtar arasyndaǵy seriktestikti jańa deńgeıge kóterýge biregeı múmkindik beredi.
