«Nura» toptyq sý qubyryn kúrdeli jóndeýge qosymsha 3,2 mlrd teńge bólinedi

ASTANA. KAZINFORM – Sý resýrstary jáne ırrıgatsııa mınıstriniń birinshi orynbasary Bolat Beknııaz Úkimet otyrysynda Nura toptyq sý qubyrynyń jaǵdaıy Aqmola oblysynyń eki aýdanyndaǵy halyqty sýmen qamtamasyz etýde qıyndyqtar týyndatyp otyrǵanyn aıtty.

«Aqmola oblysynyń Egindikól jáne Qorǵaljyn aýdandarynyń eldi mekenderinde Nura toptyq sý qubyrynyń óte nashar jaǵdaıyna baılanysty sýmen jabdyqtaýdy qamtamasyz etý máselesi ótkir tur. Jumystar Úkimet rezervinen qarajat esebinen júrgizilýde. 1,8 mlrd teńge bólindi. Olardy bıylǵy tamyz aıyna deıin aıaqtaý josparlanǵan», - dedi vıtse-mınıstr.

Aıtýynsha, bul qarajat atalǵan nysandy tolyqtaı jańartýǵa jetkiliksiz.

«Nura toptyq sý qubyryn rekonstrýktsııalaýdyń qalǵan bóligine jáne bas qurylysty salýǵa 3,2 mlrd teńge bólý josparlanýda», - dedi Bolat Beknııaz.